Eitur nei lote tan Brad Paisley leh a nupui pen chhuak

Country music singer lar Brad Paisley leh a nupui lemchan thiam Kimberly Williams-Paisley chu US-a chaw ei tur mumal nei lote tan an luang chhuak a, heng mite tan hian $maktaduai 

1 ṭanpuina an pe.

Kar hmasa khan US-a Detroit-ah Million Meal Donation Tour hawnna neih a ni a, he tour atan hian Paisley-te nupa chuan pawisa tam tham tak hi an thawh a ni.

Million Meal Donation Tour hi kar hnih chhung neih tum a ni a, he tour kaltlang hian US-a khawpui lian zual 16-a chaw ei tur mumal nei loten chaw an dawn(ei) theihna atan hmalakna neih mek a ni. He tour hi Chicago-ah September 21 hian an khar ang. 

Brad Paisley-te nupa hian kumtir lamah khan grocery store an siam a, an grocery store brand hming hi Tiller & Hatch tih a ni a, hetah pawh hian NGO pakhat Feeding America chu an thawhpui a ni. Covid-19 hri len chhunga hetiang midang ṭanpuina hna thawk theia an awm hi an lawm hle tih Brad Paisley-te nupa chuan an sawi.