Jeff Buckley Biopic siam tumna hnar

Hollywood actor Brad Pitt-a'n musician Jeff Buckley chanchin film-a siam a tumna chu Buckley nu, Mary Guibert chuan a hnar.

Buckley hi kum 1997 kha kum 30 mi niin a thi a ni. Leonard Cohen hla' Hallelujah' a cover chu Billboard Hot Digital Songs ah NO 1 niin, UK singles chart-ah No 2 a ni bawk. A album hmasa ber, 'Grace' chu Rolling Stone magazine chuan 500 Greatest Albums of All Time-ah a telh a, Buckley pawh hi greatest singers list-ah a telh a ni. Brad Pitt hian a chanchin film-a siam hi a chak hle a, a nu pawh hi biain a phalna a dil a ni. A tirah chuan ṭha a tih pui viau a, mahse a hnuah a rilru a thlak leh ta a ni. Pitt chauh ni loin director Amy Berg pawhin nonfiction feature aṭanga narrative project lam hawi a tumnaah, Buckley hi a project hmasa berah a lo nei tawh bawk. A documentary siam hi 'It's Never Over, Jeff Buckley' tih niin nimin khan a tichhuak a, hetah hian Pitt pawh hi executive producer a ni.