Lz-a'n record a siamna certificate leh medal State Museum-ah hlan

India Book of Records-a Mizo hming chuang hmasa ber, Vanlallawmzuala Varte (Lza) S/o VL Chhuanawma, Mission Veng chuan record pahnih a siamna certificate leh medal bakah a thirsakawr chu mipui en theih turin nimin, January 24, 2025 khan Mizoram State Museum-ah a hlan. Heng bakah hian India ram state leh Union Territory thirsakawra a fan chhuahna hmanrua leh thuamhnawte a hlan tel bawk. A thil hlante hi Art & Culture Department director Carol VLMS-in a lo dawng a ni.