Swift-in Apple Music a sawisel e

Spotify aṭangin Taylor Swift hian a album ṭhenkhat a lak chhuah hnuah Apple Music aṭangin a inla chhuak leh. Swift hian a album 1989 chu Apple streaming service aṭangin a la chhuak a, a chhan chu music for free vang a ni.

Apple inc. hian Apple Music a launch a, tun thla 30 aṭang hian hemi hmangte tan a thlawnin thla thum chhung chu a free-in music an stream thei dawn a ni. Music a free-a pek chhuah a tum hi zaithiam tam tak pawhin an sawisel nasa hle. He thil avang hian Taylor Swift hian a album 1989 chu a la chhuak a ni.

Swift chuan, "Apple Music hian zaithiam te, hla phuah thiam te, producer te hnenah pawisa an pek dawn leh dawn loh ka chiang lo. Hetianga Apple-in a free-a music an pe chhuak tur ka hriat hian min ṭhâwng a, ka lawm lo a, ka duh lo tawp a ni," a ti. "Hei hi keima tana ti ka ni lo; kei chuan ka album pangana tur ka buaipui leh mek tawh a, live show hrang hrang aṭangin ka crew, team leh min buaipuitute ka la enkawl thei e. A tuar tur berte chu zaithiam chhuak tharte an ni," a ti a, "An single hmasa berte an tichhuak ve ang a, mahse khami aṭanga sum an hmu let lo tur kha ka duh lo a ni," a ti.

Apple hnenah, "In policy thlak tur hian hun a la tlai lo e. In iPhone a thlawna min pe turin kan dil lo che u. Kan music pawh a thlawna sem turin min dil bik suh u," tiin Swift hian lehkha a thawn a ni.