China-ah Uisa Kûtpui

Associated Press-in a tarlan danin China chhim lama khawpui, Yulin-ah Dog Meat Festival chu tun Pathianni khan an hmang. Summer Solstice-ah Yulin-ah hian uisa kûtpui hi an hmang ṭhin a, an sawisel nasa ṭhin hle a, kumina an buatsaih leh tur pawh a hma aṭangin khawvel hmun hrang hrang aṭangin sawiselna an tawk a ni. Yulin hi Ghuangxi Zhuang Autonomous Region chhunga mi a ni a, tun ṭumah khan ui sing khat vel an talh a, tam tak hi chu mi vulh lai an rûk a ni. He kût an hman ṭhin hi super model Gisele Bundchen leh, British comedian Ricky Gervais te chuan na takin an dem a, tih tawp a nih theih nana chak taka hma la turin China sorkar an ngen.