Michael Jackson biopic ziak ṭha leh

Michael Jackson biopic, 'Michael' siam tur chu a thubuai ṭhenkhat tih fel a nih leh tak avangin an ziak ṭha leh mek.

'Michael' film hi Antoine Fuqua-a direct a ni a, Michael Jackson lemah hian a tupa, Jaafar Jackson a chang a ni. Kumin April thlaa tih chhuah tura ruahman ni mah se, a script siamṭhat ngai a awm leh tak avangin a chhuah hun hi October thlaah sawn a ni ta a ni. He film-ah hian Michael Jackson chanchin dik taka tarlan an tum thu sawiin, a performance ropui tak takte bakah, a mimal harsatna tawhte thlenga tarlan tum a ni. A script an ziah ṭhat leh tur hi kum 1993-a Jackson estate leh Jordan Chandler chhungkaw inkara buaina chungchang a ni. Inremna an siam takah he buaina chungchangah hian Chandler chhungkaw hming hi movie-ah tih lan tel khap a ni a, mahse biopic-ah hian an thubuai hi central theme-a an hman avangin an siamṭhat a ngai leh ta a ni.