Celeb zingah mihâng thlah an tam

US hi kan hriat angin mi chi hrang hrang inchên pawlh nasatna hmun a ni a, an inneih pawlh nasa hle a, mingo nia kan ngaih tam takte khu an nu emaw, pa emaw, pi leh pua mihâng an tam mai. An thlahtu thui tak china chhui chuan hetianga thlah pawlh hi an tam lehzual hle ang.

The Rock tia kan hriat lar, Dwayne John­son hi chu a vun rawng leh a hmelhmang aṭang hrim hrim pawhin mingo pangngai an tih, white caucassian a ni lo tih a hriat viau. Amah hrim hrim hi Samoa lam chhuak a ni a, Samoan hlang a ni chuang lo, mihang thisen kai a ni.

Vin Diesel hi; a hmel landan aṭang hi chuan Hispanic lam a nih hmel viau a, mahse a ni lo. A nu hi chu Scottish, English leh German thisen kai a ni a, amah tak hian a pa hi a la hmu lo hrim hrim. A pa hi mihang tho a ni.

Guns n' Roses-a an guitarist, khawvela guitarist lar Slash hi mingo pangngai anga i ngai a nih chuan i ring sual ang. A pa hi chu mingo dik tak a ni ngei a, amaherawhchu a nu thung hi mihâng a ni tlat! A pa a chhûn a ni ngei ang.

Actor lar Michael Forsberg hian mingo hlang ni ngar ngar turah a inngai ṭhin a, en mai chuan amah pawh hian mihâng lam pawlna a nei lo. Mahse, film lama a luh hnuah chauh a nuin a nihna a hrilh. A pa ni ngeia a ngaih chu a pa tak tak a ni lo tih a hria a, a pa dik tak chu mihâng daih a ni.

I rin loh ber mai tur an la awm. A mit rawng te, a sam rawng leh a vun rawng, a lan dan engkimah, mihâng hnuhma hmuh tur a awm miah lo, mahse a pa chu mihâng a ni tlat. Chu chu Prison Break aṭanga Zoram khawvelin kan hriat lar ṭan, Wentworth Miller kha a ni. A nu lamah a kal em em a, mahse mingo hlang a ni lo pawh a ni mai lo, pa te lam aṭanga chhut chuan mingote hamṭhatna chan ang a chang ve thei dawn lo tihna a ni.

A sam dum e, tih mai lohah chuan mingo pangngai nena an danglamna a tam lo. Mingo pangngai zingah pawh sam dumte chu an tam ve leh tho bawk si. Mahse Fall Out Boy-a an drummer Pete Wentz hi a pu chu Jamaican mihâng a ni tlat. A pu cousin hi US-in Sierra Leone-a ambassador-a a hman ṭhin General Colin Powell kha a ni a, Powell kha mihang dik tak a ni!