Las Vegas-ah J.Lo a ropui

Las Vegas khawpuiah Britney Spears ropuina chu Jennifer Lopez-i'n a rawn khum ta tlat mai. Inrinni hmasaa Planet Hollywood Resort and Casino-a 'All I have' show a neih chu ticket an hralh hnem a, Britney Spears aiin ticket aṭangin sum a lalut hnem zawk.

Planet Hollywood Resort and Casino-a Axis hmuna show nei tawh zingah Britney Spears chu zan khata ticket hralhna aṭanga sum lalut hnem ber a ni ṭhin a, mahse Jennifer Lopez hian a rawn khum ta a ni. J. Lo hian zan khatah USD mtd 1 zet a lalut thei.