DJ zinga sum lalut hnem ber Calvin Harris

Taylor Swift-i'n sira a hnawl hnu, British disc jokey hlawhtling, Calvin Harris chu DJ zinga sum lalut hnem ber a ni leh. Kumin hi a zawna kum li chhung sum lalut hnem ber a nihna a ni ta.

Calvin Harris hian music-ah chauh ni loin thil hrang hrangah sum a lalut hnem hle. Midang nena hla an siam an hralh chhuah aṭang te, live performance te bakah sponsorship aṭang te, sumdawnna dang aṭangtein sum hi a lalut ber. A lakluhna langsar pakhat chu Las Vegas-a a perform apiangin, vawi khatah USD nuai li a hlawh ziah a ni. Tichuan, a sum lakluh zawng zawng hi USD mtd 63 zet a ni.

Forbes-in Electronic Cash Kings list a tihchhuahah hian Dutch mi, Tiesto chu sum lalut hnem pahnihna a ni a, kum khat chhungin USD mtd 38 a lalut. Forbes-in an sum lakluh a chh˚t huam chhungah hian Tiesto hi khawvel hmun hrang hrangah a zin kual a, Vegas aṭangin Vietnam thleng thlengin a thawk chhuak a, gig 100 vel zetah a inlan a ni. Hei bakah hian 7UP ad campaign aṭangin sum ṭhahnem tak a thawk chhuak bawk.

Pathumna hi French mi DJ hlawhtling, David Guetta a ni. Ani hi DJ zinga sum lalut hnem ber pawh lo ni tawh ṭhin a ni. Kum khat chhunga a sum lakluh hi USD mtd 28 a ni a, a lakluhna zinga langsar chu Euro 2016 soundtrack kha a ni a, a bakah chuan 7 UP nena dollar maktaduai chuang hu thawhdunna an siam kha a ni bawk.

Russia-a piang, Germany-a seilian Zedd chu DJ zinga sum lalut hnem palinaah a lang pha. Club hrang hrangah a play a, chu mai bakah festival lian tham hrang hrangah an hmang nasa bawk. Guitar Centre nen ten an thawkho sum a lalut hnem hle. Kum khat chhungin USD mtd 24.5 zet a lalut a ni.

Kuminah Steve Aoki chu sum lalut hnem panganaah kan hmu. A aw b‚wm zai mah se music lama a talent a chhiat phah chuang lo. Steve Aoki hian USD mtd 23.5 a lalut a, a tour ṭhin hi sum a hmuhna lian tak ni mah se, kumin bikah chuan The Angry Birds Movie-a a music kha ama siam a ni a, heta ṭang hian sum tam tak a hailut a ni.