Gothic aṭangin naupang album!

Symphonic gothic band hlawhtling tia an sawi ṭhin, Evanescene-a an vocalist Amy Lee chuan music goth deuh deuh kalsanin, tunlai hian naupang pual album a buatsaih mek.

Amy Lee album thar tur hi Dream Too Much a ni a, hetah hian hla lar deuh hlek awm chu The Beatles hla Hello, Goodbye kha a ni. September 30 hian a album hi zawrh chhuah ṭan a ni ang. Amy Lee hi nu a ni tawh a, kum hnih mi fapa a nei tawh a ni.

Dream Too Much album hi Amy Lee chhung­kaw album a nih hmel deuh ber mai. A pa, a laizawnte pahnih - Carrie leh Lori te, a pami Tom te pawh album siamnaah hian an tel a, music te pawh an lo tum a ni awm e. Amy Lee hian a album thar tur hi a fapa aṭang hian siam duhna rilru a nei a, a siam ta tih a sawi.