Mizo hla zawrhna AUDIO HOUSE LEH MUSIC STORE

Hun eng emaw chen aṭanga Music Domain Mizoram leh Xinfomedia ten an lo buaipui tawh internet-ah leh Bazar-a Mizo zai≠thiamte leh Musicians te kutchhuak hralh chhuahna tur chu hman theih in peih a ni ta.

Music Domain Mizoram leh Xinfomedia te hian Mizo zai≠thiamte music video leh mp3 / audio te hralh a nih theih dan tur an buaipui hnuah an peih fel a, zawrh chhuah ṭan a ni dawn ta. Music Marketing hi ṭhuang hnihin kalpui a ni dawn a, pakhatah chuan Music Domain Mizoram Website-ah Mizo hla Mp3 leh video te man pein download-na tur Music Store siam a ni a, heta ṭang hian Video leh Mp3 te duh ang ang lei theih a ni ta. Video hi Rs. 15 a ni a, Mp3 hi Rs. 10 man a ni thung.

MDM leh Xinfomedia te hian Audio House an buatsaih bawk. Audio House hi tunah rih chuan Aizawl khawpui lun laia hmun paliah bun a ni a, chungte chu Purple Electronics leh Colney Brothers, Bara Bazar-ah ve veah te, Chanmari-a Skynet (Computer dawr)-ah leh, MDM Office, Bazar Bungkawnah te niin, heng hmun aṭangte hian Mizo hla Mp3-a lei theih a ni ta. A leina sheet, a bik taka siamah hla ngaihthlak tur leitu tur ten an hla duh duh ziak tlarin a lei theih.

MDM chuan kan zaithiamte hmingin Mizo mipuite hnenah kan zaithiamten an kutchhuak leh zai an phochhuah ngeite lo lei a, dan dik taka Mizo hlate leia lo ngaithla turin mipuite an sawmin an ngen tak meuh meuh a ni. Kan khaw≠tlanga mi zahawm tak tak ten kan Zonun leh Kristianna ang takin kan zaithiam ten an thawhrim leh an beih hahna te hriatpuiin dan dik taka an zai te Website-a Music Store aṭang leh Audio House
aṭanga leia ngaithla ve turin MDM chuan Mizo mipuite an ngen.