Top New Music-ah 'Sports Car' thlang

Tate McRae hla thar, 'Sports Car' chu fan-ten kar liam ta chhunga music tih chhuah thar zingah an duh berah an thlang.

Billboard-in new music poll a buatsaihah 'Sports Car' hian vote tla aṭanga 25% a hmu pha a, hla chhuak thar dang Sexxy Red & Bruno Mars 'Fat Juicy & Wet', Djo 'Basic Being Basic', Travis Scott '4x4' leh Central Cee 'Can't Rush Greatness' te a khum. He hla hi McRae, Ryan Tedder, Grant Boutin leh Julia Michaels ten an siam niin, a album pathumna, February 21-a tih chhuah tur 'So Close to What' ah a telh dawn a ni. McRae single pahnih lo tih chhuah tawh, '2 hands' leh 'It's ok I'm ok' te chu Billboard Hot Dance/Pop Songs chart-ah No 1 an lo ni tawh a ni. Kumin March thla hian singer/songwriter hian Miss Possessive Tour a nei dawn bawk a; South America, Europe, UK leh North America-ahte show a nei dawn a ni.