Sikeisenah Pyramid!

Khawvel dang awm ve ringtute leh, khawvel pawna nunna dang a awm ringtute beiseina tinung thar lehtu pawimawh tak mai NASA thlalak tihchhuahah a awm a, chu chu Mars-ah pyramid an hmuh thu hi a ni.

NASA Mars rover-in thla a lakah hian Sikeisena lung hmun, tireprup kara Pharaoa te thlan ang chiah mai, Pyramid toh lurh chuan scientist leh mite mit a la hle a, mi tam tak chuan Sikeisenah hian mihring dang an cheng ngei niin an rin phah. Hetihlai hian a ringhleltute erawh chuan pyramid anga lang lung chu thlalak an edit a, an chei zum chawp niin an ngai thung.

Conspiracy theorist-te chuan he thlalak hian planet dangah nunna a awm ngei tih a tilang thei niin an ngai a, kum 2000-a Global Surveyor Image-a thil lang sawi chhuak thar lehin, khatah pawh khan khâm ko bulah thlengthlawkthei a lang a ni an ti bawk. NASA lam chuan an sawi tam lutuk lo a, he thlalak hi khawih danglam a nih leh nih loh pawh an sawi chiang lem lo.

Scientist-tena an en chîk loh lam hi conspiracy theorist te hian an zawng ṭhin. Alien hmuh tum hrim hrim te, eng emaw thilmak leh danglam, nunna a awm ve ngei tih nemnghehna tur hmanrua te an zawng ṭhin. Tuna thlalak pawh hi conspiracy theorist te tuipui leh umzui nasat a ni.