Selena Gomez-i'n US aṭanga thawn kirte a ṭahpui ; Megyn Kelly-in a show-ah na takin sawisel

Actor/singer Selena Gomez chuan President Donald Trump kaihhruai US sorkar tharin US-a dan loa pem lutte dap chhuah hna thawk a, an mi mante an ram lama a thawn kir chungchangah video siamin a post a, heng mi thawn kirte a pui thei lo chu hrehawm a tih thu sawiin a ṭahpui. A video-ah hian Mexico flag a dah tel a, mahse a hnu lawkah video hi a delete leh nghal.

Gomez-i video hi 'The Megyn Kelly Show' host, Meghly Kelly chuan a show-ah na takin a rawn sawisel nghal. "A chiang lo a ni' tiin mipui hmuh atana a ṭap lai video a dah chhuah chungchang chu a rawn sawi. "Mi tu pawh, an phone kenga an ṭap lai video-a inlak a, mi zawng zawng hmuh tura post te chu an chiang chiah lo a ni," a ti. Kelly chuan Gomez-in video a delete lehna chhan pawh a fan zinga tam takin deportation policy thlawpin, a thiltih chu an sawisel vang a ni, a ti bawk.