Fiamthu a thawh danah Chalamet an dem

'Complete Unknown' actor Timothee Chalamet chu 'Saturday Night Live'-a US president hlui, December 29, 2024-a boral Jimmy Carter hminga fiamthu a thawh dan chuan sawisel leh dem a hlawh zui nasa hle. A thiltih chu President hlui zah lohna lian tak leh, a chhungte rilru natna tur pawh ngaihtuah lohah an puh.

SNL-a workout sketch neihnaah Chalamet hi bungee instructor anga ṭangin, an class te chu exercise chi khat 'Jimmy Carter' ti tura hrilh chuan anni hian bungee cord-ah thi angin an uai zui a ni. An thiltih dan hian studio chhunga awmte pawh a ṭhawngin mak ti thawm ri pawh a awm a, in lama awmte chuan social media platform hrang hrangah an rawn sawisel zui nghal a ni. SNL aiawh leh Chalamet lam chuan a chet dan chungchangah sawi engmah an la nei lo.