John Taylor A putar hnuah pawh a hlawhtling zel

Zai lamah hi chuan upat leh naupanin kawngro a su lutuk lo, upat hnuah pawh chhuak thar tam tak aiin a la chungnun theih tlat. Billboard album chart-ah pawh, putar James Taylor chuan pakhatna a rawn hauh a, a album tihchhuah hmasak bera piang te pawhin tu mawng an beng tawh hlawm ang! Duran Duran-a an vanglai kha a rawn tawng leh thei tlat mai!

James Taylor hian kum 1968 khan ama hming chawiin album a tichhuak a, chuta ṭanga kum 45-naah Billboard album chart-ah 'Before This World' album hmangin pakhatna a hauh leh thei. Chart-a a album lan hmasak ber kum chu kum 1970 daih tawh kha a ni a, hemi ṭuma a album hi Sweet Baby James a ni. Tuna pakhatna a hauhna album hi kar khat chhungin copy 97,000 a hralh. Heng zinga copy 96,000 chu album pangngaiin a ni a, album tlukpuiin copy 1000 a hralh.

Pahnihnaah Taylor Swift album 1989 kha a la awm a, copy 57,000 lai a la hralh cheu. Pathumnaah American Idol alumni, Adam Lambert album, The Original High a awm a, kar khat chhung khan copy 47,000 a hralh. Kum 2009 khan For Your Entertainment album hmangin pathumna a hauh tawh a, kum 2012 khan Trespassing hmangin pathumna bawk a hauh. Pathumna aia sang a la thleng lo.

Ed Sheeran album hit X chu palinaah a la lang thei bawk. He album hi kar khat chhung khan copy 39,000 a hralh belh leh a, a hma aiin a hralh hnem zawk a, a hma khan paruknaah a awm. Kum riat zet a reh vang vang hnuah Hilary Duff a rawn lang ve leh a, Breathe In. Breathe Out chu panganaah a awm.

Billboard album chart

"Before This World" - James Taylor (97,000)

"1989" - Taylor Swift (57,000)

"The Original High" - Adam Lambert (47,000)

"X" - Ed Sheeran (39,000)

"Breathe In. Breathe Out." - Hilary Duff (39,000)

"Montevallo" - Sam Hunt (32,000)

"Grand Romantic" - Nate Ruess (31,000)

"Title" - Meghan Trainor (27,000)

"V" - Maroon 5 (27,000)

"Wilder Mind" - Mumford & Sons (27,000)