Louvre-ah Mona Lisa pual pindan hran siam dawn

Khawvela lemziak lar ber pawl, Mona Lisa painting chuan Louvre Museum, Paris-ah a pualin pindan hran a nei dawn a, a en turte tan pawh pass hran siam a ni dawn a ni.

France president Emmanuel Macron chuan Louvre Museum cheiṭhat a ni dawn tih sawiin, chei ṭhat a nih hnuah Mona Lisa painting puala hmun buatsaih a nih tur thu hi a sawi. Mahse museum chei ṭhat hna hi kum eng emaw chen a awh rin a ni. Ruahmanna an siamah undergound room-te siamin, kum 2031-ah entrance thar hi hawn an tum. Louvre tia sawi lar, Louvre Museum hi khawvela art museum lar ber zinga mi niin kum 1793-a siam kha a ni. Kum 2024-ah khan museum tlawhtu hi mi mtd 8.7 an tling. He museum-a hian Mona Lisa lem bakah, Jacques-Louis David ziah 'Coronation of Napoleon', Alexandros lemziak 'Venus de Milo' bakah khawvela huapa lemziak lar leh hlu tak tak an awm.