Captain Marvel 2 siam dawn

Marvel Studios chuan Captain Marvel chhunzawmna tur siam tumin hma an la mek niin The Hollywood Reporter chuan a tarlang.

Captain Marvel movie thar script ziaktu tur hian WandaVision' writer Megan McDonnell chu Marvel Studios hian an ruai dawn nia sawi thawm a awm a, news site  ṭhenkhat chuan an inbe fel tawh nite pawhin an tarlang ve bawk. The Hollywood Reporter  chuan script ziak tur hian a hmawr bawkna turin inbiakna an la nei leh dawn niin a tarlang thung.

Captain Marvel film hmasa director leh script ziaktu zinga mi Anna Boden leh Ryan Fleck-te chu an inrawlh tawh dawn lo nia sawi niin, a thlaktu tur an be mek tih nia tarlan a ni. Brie Larson erawh a inlan leh ngei rin a ni a, 2022 velah hi chuan tlangzarh hman beisei a ni bawk. Captain Marvel film hmasa, nikuma tihchhuah kha a hlawhtling hle a, khawvel pumah $tluklehdingdawn 1.128 a lalut tling tawh.