Super Bowl LIX-a movie trailer chhuak tur 3 chiang tawh

Kumina Super Bowl LIX neih turah movie pathum - ‘Jurassic World Rebirth’, ‘Thunderbolts*’ leh ‘Mission: Impossible – Final Reckoning’ trailer te tih chhuah a ni dawn.

Super Bowl hi sports programme ni mah se a hmunah leh TV lamah thlirtu an tam ṭhin avangin movie tih chhuah tur tan a ṭangkai hle. Nikuma Super Bowl pawh khan thlirtu mi mtd 123.7 an tling a, hemi ṭum hian Deadpool & Wolverine leh Wicked trailer pawh tih chhuah a ni. Kumina second 30 chhung trailer tih chhuahna atan hian motion pictures studio - Disney, Paramount leh Universal-te chuanUSD mtd 7.5 - 8 vel an seng dawn a ni. Sony, Warner Bros, Netflix, Amazon MGM Studios leh Lionsgate te erawh kuminah hian an awl dawn nia sawi a ni a, Apple Studios pawhin an movie trailer an ti chhuak dawn lo nia sawi a ni bawk.