Ringo Starr-a'n pizza a la ei chhin lo

The Beatles drummer, Pizza Hut spokesperson pawh lo ni tawh, Sir Ringo Starr chuan a dam chhungin pizza a la ei chhin lo tih a puang.

Veteran musician hian Jimmy Kimmel Live! ah hei hi sawiin, pizza bakah curry a ei ngai lo tih a sawi. Ei turah huat a ngah thu a sawi a, hei vanga ei lo a nih thu a sawi rualin, Pizza Hut spokesperson a lo nih tawh avangin pizza a la ei chhin miah loh chuan mak tih a hlawh hle. 1995 ad campaign-ah Starr hian Pizza Hut ei siam thar hi a lo fak sak tawh a ni. Kum 84 mi ni tawh, Starr hian kumin January 10 khan a studio album 21-na, 'Look Up' a ti chhuak a, hei hi 2019-a 'What's My Name' hnua album a tih chhuah leh hmasa ber a ni. 'Look Up' hi Billboard all-genre Top Album Sales-ah No 7 a kai a ni.