LA kangmei chhuak tuartute tan FireAid Benefit concert nei

Los Angeles ram kang tuartute tana vehbur khawnin, an ram huna January 30, 2025 zan khan Kia Forum leh Intuit Dome-ah FireAid Benefit concert neih a ni a, artist lar rual an inlan.

Kia Forum, Inglewood-a concert chu Green Day in “Last Night on Earth” hmnagin an hawng a, rin loh takin Billie Eilish in a rawn pui bawk. Intuit Dome-a concert chu Suir Rod Stewart-an a hit, 'Forever Young' hmangin a hawng ve bawk a ni. January thla tir lama Los Angeles ram kang nasa tak thleng vang hian mi 29 in nunna an chan a, in leh infrastructure dang tam tak kang chhiain, a thil kan chhiat hlut zawng hi dollar tluklehdingawn eng emaw zat hu a tling.

Concert neihna hmun pahnihte hi mel khat vela inhlat niin, Intuit Dome-a perform zingah hian illie Eilish, Gracie Abrams, Jelly Roll, Katy Perry, Lady Gaga, Lil Baby, Olivia Rodrigo, Peso Pluma, Rod Stewart, Stevie Wonder, Sting, Tate McRae and Earth, Wind & Fire te an tel. Kia Forum-ah Alanis Morissette, Anderson .Paak, Dawes, Graham Nash, Green Day, John Fogerty, Joni Mitchell, No Doubt, Pink, the Red Hot Chili Peppers, Stephen Stills, Stevie Nicks, the Black Crowes, leh John Mayer te an perform bawk.

Concert hi streaming service hrang hrangten an thlawn vekin an live bawk a, kumina concert thlirtu ngah ber zingah a tel ngei a rinawm. iHeartRadio radio station 860 ten an ti chhuak bawk. Concert aṭanga an sum hmuhte hi kangmei tuartute ṭanpuina atan leh, kangmei vanga chhiatna rapthlak tak thleng ṭhin venna kawnga hma lakna atan pek a ni ang.