2025 Grammy presenter-ah Taylor Swift

Taylor Swift chu Pathianni zana 2025 Grammy Awards neih turah a inlan ngei dawn a, presenter zingah a tel dawn. Mahse eng category award ber nge a hlan dawn erawh sawi chian a ni lo.

Swift hi a hmain Grammys ah hian ṭum hnih presenter lo ni tawhin, kum 2008 khan Rihana leh Jay-Z te hnenah best rap/song collaboration award hlanin, kum 2009 khan Miley Cyrus nen Ali Krraus leh Robert Plant-te hnenah award an lo hlan tawh bawk. Kumina Grammy Awards neih turah hian Swift hian nomination paruk hmuin, heng zingah hian album of the year pawh a te. He award hi a dawng a nih chuan a dawn vawi ngana tur niin album of the year award dawng hnem ber record a siam thei dawn a ni.

17th annual Grammy Awards hi February 2, 2025 zan hian Crypto.com Arena , Los Angeles-ah neih a ni dawn a, comedian Trevor Noah-a'n a host dawn a, a zawna kum nga a host-na tur a ni. Hemi zana perform tur zingah nominee zinga mi - Billie Eilish, Charli XCX, Shakira bakah Sabrina Carpenter, Chappel Roan leh Benson Boone an tel. Presenter tur zingah hian Anoushka Shankar, Wayne Brady, Bob Clearmountain, Rhiannon Giddens, Scott Hoying, Jimmy Jam leh Queen Sheba an tel bawk.