MCU-ah Chris Evans a kir dawn lo

Hollywood actor Chris Evans chu Marvel Cinematic Universe (MCU)-ah kirin, 'Avengers: Doomsday' ah Robert Downey Jr a zawmin, Captain America role a rawn chang leh dawn niin nikum kumtawp lamah thuthang a awm. Mahse heng thuthang hi thu dik a nih loh thu Evans chuan a rawn sawi.

Esquire in a kawmnaah, Chris Evans chuan MCU-ah a kir dawn nia sawi awm chu a dik lo tih sawiin, a khat tawkin hetiang thuthang hi a awm reng tih a sawi. Mahse MCU lamah kir a tum lo a, hlim takin a chawl tawh tiin a sawi zui. Hetih lai hian Benedict Cumberbatch chuan 'Avengers: Doomsday' ah a inlan dawn tih a sawichiang tawh thung. 'Doctor Strange' star hian a tirah chuan an telh loh emaw a tih laiin, a lo hriatsual a ni tih a sawi. 'Avengers : Doomsday' hi May 1, 2026 a tih chhuah tura ruahman a ni.