Niall Horan Hmingthannain a nun a thlak lo

Tunlai khawvela boy band lar ber, One Direction-a mi, Niall Horan chuan an larna leh hmingthanna chuan a nun a thlak danglam lo tih sawiin, mi pangngai, hmana Niall Horan kha a la ni reng tih a sawi.

Amah mai bakah One Direction te hi an la pangngai reng a, an hmingthanna hian an nun leh mizia a thlak danglam chuang lo a ni a ti. "Kan hun hman liam taka thil thleng te kha rin harsa ka ti lek lek ṭhin a, rin phak loh thil thleng a ni. Mi pangngai ve mai khan mi pangngai piah lamte thil tih ang kan ti ve a nia! a mak ngawt mai," a ti.

Niall Horan hian he khawvela celeb chhe ber niin a inhria a, a chhan pawh thla a lak ngai meuh loh vang a ni. "A nihna takah chuan hna ka thawk te a nih ngawt loh chuan thla hi ka la ngai mang lo a ni. Hei bakah hian party-ah ka kal ngai lo bawk a, hengte avang hian khawvela celeb chhe ber, duhawm loh ber niin ka inhria," a ti.