Fascino 125 scooter Aizawlah tlangzarh

Thansanga and Sons Auto Division Showroom, Ramhlun North-ah nimin khan Yamaha scooter chhuak thar Fascino 125 BS6 chu Dr. Vanlalthlana, MLA chuan a tlangzarh. 

Thansanga and Sons Auto Division Showroom hi hmarchhaka Fascino 125 BS6 tlangzarh thei hmasa ber an ni a, a scooter dawng hmasa ber an ni bawk.'Info Bikes' hruaitu Vanlal­muana chuan Yamaha hi India rama mo­torcycle company zinga 125 cc scooter nei har ber ni mah se 125 cc scooter market-a hma­ruaitu an scooter tlangzarh thar hmang hian an nih theih an rin thu sawiin, engine platform thar hlak an dah thu a sawi.

An khalh chhin tawh aṭanga an 'experience' sawiin, an beisei aia a chak ṭhat thu leh a headlight eng ṭha tak chu an fak hle. Mizoram scooter market sawi nghing thei tur khawpa ṭha a ni tih sawiin, petrol pawh a heh lo hle tih an sawi a ni. Fascino 125 BS6 scoo­ter hi chi hnih Deluxe Disk leh Standard Disk-in an siam a, Deluxe Disk hi Rs 84,549 man niin, Standard Disk hi Rs 83,515 man a ni thung. Rawng chi hrang pasarih lai an siam a, nimina tlangzarhna hun neihnaah hian customer hmasa ber hnenah scooter chahbi hi an hlan nghal a ni.

Fascino 125 Fi Key Specs 

Engine    125 cc, Air-cooled,

    4-stroke, SOHC, 2-valve

Power    8.2 PS @ 6500 rpm

Torque    9.7 Nm

Tyre    Tubeless

Fuel Capacity    5.2 L