Rpa Ralte hla thar a chhuak dawn

'Tudang ka ngai tawh lawng' singer leh producer, zaithiam lar Zaii Hauchhum, Vanlalhmangaiha, Bzi Tochhawng, Shin Bia leh Benjamin Sum te hla hit tak tak lo phuahtu, Rpa Ralte chu hla thar, ' I hming fakin ka zai' tih hmangin a lo let e.

'I hming fakin ka zai' tih hi Rpa gospel solo hmasa ber a ni a, a nuna thil tam tak, a hlimawm leh lungngaihthlak lam a lo tawhte pawh a en letin Pathianin awmze neia a nun kaihhruaina atana lo thlen tir vek a nih zia a hriatna aṭangin he hla hi a lo chhuak a ni. Recording hi RP Records-ah tiin, music producer hi Rpa Ralte a ni. Guitar Eric Renza niin, video hi We Are Mizo siam a ni. A music video thar hi MDM Library-ah a dah lut tawh a, zaninah Zonet TV-ah pek chhuah a ni dawn a, rei lote hnuah YouTube lamah en theih a ni ang.