67th Grammy Awards sem a ni Kendrick Lamar a che ṭha fal

67th Grammy Awards 2025 chu Pathianni, February 2, 2025 khan US huna zan dar 9-ah Ctypto.com Arena, Los Angeles-ah Trevor Naoh kaihhruaina hnuaiah sem a ni. Noah hian a zawna kum nga a host-na a ni. Kendrick Lamar chuan nomination pasarih a hmuh aṭangin award panga dawngin hemi zan hian a che ṭha ber.

Award hi category 94 ah ṭhen niin kumin Grammy award hian 2023 September 16, aṭanga 2024 August 30, inkara music chhuakte a huam.

Award ngaihhlut, Album of the year' chu 'Cowboy Carter' album hmangin Beyonce chuan a dawng a, a vawikhatna atan leh mi hang zinga a hmasa ber turin 'Best Country Album' a dawng tel bawk. Beyonce hi nomination hmu hnem ber niin 11 a hmu. Award dawng hnem ber, Kendrick Lamar hian "Not Like Us" hmangin 'Record of The Year' leh 'Song of the Year' a la bawk a ni.

Tunlaia boruak nei lian, nomination hmu hnem zinga mi, Taylor Swift leh Billie Eilish ten award an dawng lo thung a, nomination pali hmutu Ariana Grande pawhin a dawng bik lo.