DJ Lalvenhimi A hmun ngaiah bawk kan hmu leh

JJ Store Dalda Ṭhazual Lengzem pakhatnaah hming dang a la chuang lo a, a hmasaa kan hmuh ngai bawk DJ Lalvenhimi chu a 'Ṭhian rinawm' nen a la ṭhu.

Album tihchhuah thu pawh sawi ri faih faih DJ Lalvenhimi hian 'Ṭhian rinawm' hi a chhuang hle a, he music video a tihchhuah hlim khan 'Keimah bik chuan ka chhuangin ka duh ang taka siam a ni," tiin a sawi a, hlut pawh a hlut hle. A costume vel pawh a uluk a, a video-a kan hmuh ang hian amah pawh an chei nasa a, a landan a danglam hle.

Leitlang Pictures kutchhuak a ni a, Mapuia Chawngthu hi tun thlenga music video leh film lam siamah chuan Mizorama kan neih hlun tak pawl a ni. Tawnhriat a ngah tawh a, a video pawh a ṭha hle. Costume hi Rosy Boutique chuan a tumsak a, wardrobe hi A≠chhani Innovative Dresses a ni. Video hi Lung≠lei lama a shot daih a ni. DJI hla hmasa leh kan hriat larna hlate hi inṭhenna, induh tawh lohna hla lam a ni ṭhin a, 'Ṭhian rinawm' erawh a hla thu a dang hlak thung.

A hmaa DJI'n a vanglai a la hman mek avangin Josephine Lalawmpuii pawhin hma a sawn hlei thei lo, pahnihnaah bawk a awm leh. Pakhatna a kai hlei thei lo a, pathumna aṭangin pa≠hnihnaah a chho a, pahnihnaah bawk a awm leh a ni.

Thangromawia a rawn invawrh sang chak hle a, pariatna aṭangin pathumnaah a rawn kai chho ta dawrh mai. Ani hi a zaithiamzia kan hre tawh a, chart-a pakhatna pawh lo luah fo tawh a ni. Tun ṭumah hian hla hlui 'Chhingmitin' tih hla a rawn thlawh chhuak a, a la hlawhtlinpui zel dawn a nih hi. JJ Store Dalda Ṭhazual Lengzemah hian lang thar an awm lo a, a hmaa mite vek kan hmu leh.