3 Doors Down guitarist hlui a thi

3 Doors Down-a an guitarist ṭhin, Matt Roberts chu kum 38 mi niin a thi tih puan chhuah a ni a, mahse a thih chhan erawh tarlan a ni lo. Matt Roberts hi a fapa nen, charity thilah an zin a, an thlenna hotel-ah Roberts hi Inrinni zing khan a thi tih hmuh a ni. West Bend police-te chuan Inrinni khan miin an rawn phone tih sawiin, an finfiah hnuah a thi tih an hmu niin an sawi. Autopsy tih a ni ang a, chuta ṭang chuan a thih chhan hi a hriat chauh ang.