Suicide Squad bawkin hmun sang a luah

Turkey-a suicide bomb a puah vang pawh ni chuang loin, NorthAmerican box office-ah chuan Suicide Squad a la puak ring ber zel.

Movie thar hmuhnawm hmel tak tak a chhuak nachungin North American box office-ah chuan Suicide Squad-in sum a la lalut hnem ber.Will Smith, Margot Robbie leh Jared Leto te channa film hian kar tawp chhung khan USD mtd 20.7 lakluh belh lehin, hengte nen hian US leh Canada aṭangin USD mtd 262.3 lai a lalut tawh a ni.

Sum lalut hnem pahnihnaah hian movie thar ni loin, a chhuak hlui bawk a awm. Seth Rogen leh Kristen Wiig te channa Sausage Party chuan kar tawp chhung khan USD mtd 15.3 a thawk chhuak a, sum lalut hnem pahnihna a ni. Kar hmasa leh lam aiin ticket hralh
aṭanga a sum hmuh hi za zela 55.3 zetin a tlahniam a, chuti chung chuan pahnihnaah a la awm thei cheu.

War Dogs chu pathumnaah a awm a, he film hi a chhuah hmaa fak hlawh kha a ni a, fak an hlawh ang hu erawh chuan a che ṭha lem lo. Kar tawp chhung khan USD mtd 14.3 chauh a lalut.

Th‚wm nei lian, Ben-Hur siam thar leh chu tihchhuah a ni a, beisei a pha lo hle. Jack Huston-a channa Ben Hur hi USD mtd 100 zet senga siam a ni nachungin, USD mtd 11.35 chauh kar tawp chhung khan a la a, sum lalut hnem tlar thlaa pangana a luah pha ṭ‚wk. Ṭhenkhat chuan 'Epic fail of the summer' an ti hial.

Box office movie

"Suicide Squad" - $mtd 20.7

"Sausage Party" - $mtd 15.3

"War Dogs" - $mtd 14.3

"Kubo and the Two Strings" - $mtd 12.6

"Ben-Hur" - $mtd 11.35

"Pete's Dragon" - $mtd 11.3

"Bad Moms" - $mtd 8

"Jason Bourne" - $mtd 8

"The Secret Life of Pets" - $mtd 5.8

"Florence Foster Jenkins" - $mtd 4.3