Album-ah Suicide Squad OST an hralh hnem ber

Kar liam ta chhunga album hrang hrang hralh chhuah zingah movie hlawhtling mek Suicide Squad original soundtrack chu album hralh hnem ber a ni.

Suicide Squad ost hi kar liam ta chhung khan copy 93,000 hralh chhuah a ni a, heng zinga copy sing nga hi album pangngai a ni. Guar≠dians of the Galaxy film ost hnua Billboard Hot 200-a movie soundtrack zinga pakhatna a zawna vawi hnih luah thei hmasa ber chu Suicide Squad soundtrack hi a ni. Movie ost zinga album chart-a pakhatna vawi khat aia tam luah thei pali zingah a tel ta bawk. A dangte chu Guardians of the Ga≠laxy ost a ni a, Bad Boys 2 leh Frozen (2013) ost te an ni.

Drake-a album 'Views' chu a la hlawhtling zel a, pakhatnaa vawi 13 zet a awm tawh hnuah pahnihnaah a vawi hnih nan a la awm thei. Kar liam ta chhung khan copy 71,000 zet a hralh belh leh. Partynextdoor studio album pahnihna 'Parttynextdoor 3 (P3)' chu pathumnaah a awm a, Justin Moore album 'Kinda don't care' chu palinaah a awm.

Billboard Hot 200

"Suicide Squad: The Album" - Various Artists (93,000)

"Views" - Drake (71,000)

"Partynextdoor 3 (P3)" - PARTYNEXTDOOR (50,000)

"Kinda Don't Care" - Justin Moore (42,000)

"Blurryface" - Twenty One Pilots (41,000)

"Major Key" - DJ Khaled (34,000)

"SremmLife 2" - Rae Sremmurd (27,000)

"25" - Adele (28,000)

"Anti" - Rihanna (28,000)

"Now That's What I Call Music! 59" - Various Artists (28,000)