Enkawli Pautu album tlangzarh

Nimin khan I&PR Auditorium-ah Lalen­kawli Pautu audio album thar, D Biahzai tih chu tlangzarh a ni. D Biahzai album hi hranghluite tan chuan a ngainatawm viau dawn a, ṭhangtharte tana album ngaihhlutawm tak a nih a rinawm.

Album tlangzarh inkhawm hi Lalengliana, IFS (Rtd) in a kaihruai a, Minister Lalsawta'n a tlangzarh a ni. Album tlang­zarhnaah hian En­kawli hian 'Lamang ka lo let leh ta e' tih te, 'Ṭha­lawnsangi', 'Cha­tuan­tawii' tih leh 'Ṭuanna tlang dang' tih hlate a sa.

'D Biahzai' album hi hla hlui khungkhawmna, lengzem leh lenglawng hla dahna a ni a, ṭhang­tharte tan Mizo lengzem leh lenglawng hla ṭha, hriat tawh mang loh hriat thar lehna remchang a ni dawn a, hranghlui tan lung tilengtu a ni ngei ang. F. Rokima leh H. Lalringa te hla eng emaw zat bakah hla dang ṭhenkhat dah a ni a, album ṭha tak tur a ni.