Katy Perry hnena convent hralh ai chuan Tualchhung sumdawnga hralh an duh zawk

Katy Perry hi an hmu tleu laklawh a, hei vang hian Catholic hmeichhe puithiam (nun) te'n convent-a an hman ṭhin chu amah, Katy hnena hralh ai chuan tualchhung sumdawng pakhat, restaurant neitu hnena hralh an duh zawk a, an hralh ta zawk.

LA Times-in a tarlan danin, Los Angeles-a Los Feliz-ah, nun te'n convent atana an hman ṭhin, Immaculate Heart chu an hman tawh ngai loh avangin hralh an duh a, Katy Perry-in lei a tum tih an hriatin, hmanhmawh takin, Katy lei ai chuan tiin restaurant neitu pakhat, Dana Hollister hnenah dollar mtd 15.5-in an hralh ta zawk a ni.

Katy Perry hian convent atana an hman ṭhin hi ama in atan a duh a, cheibawl a, luah a duh a ni. Mahse, Immaculate Heart-a cheng sister pahnih- Catherine Rose leh Rita Callanan te chuan Katy-in an convent a nei tur chu an ngai ngam ngang lo a ni. Super Bowl-a a chet dan te, a hla thu hrim hrimte hi an ei loh zawng tak mai a nih avangin hmanhmawh deuhin restaurant neitu hnenah hian an hralh.

Convent lei chhawn chungchangah hian Los Angeles Archbishop Jose Gomez leh Katy Perry te an inbe thui tawh hle a, lehkha lama ziah fel ngai phei chu an ziak fel deuh vek tawh a ni.