Dawt sawi hmang Joel Osteen!

Tun Pathianni inkhawm khan Lakewood Church-ah buaina a thleng deuh a, pastor Joel Osteen chu dawt sawi hmang tia mi ṭhen­khatin an lo auh avangin mi paruk chu biak in aṭangin an hruai chhuak.

Houston, Texas-a Joel Osteen-a kohhran, Lakewood Kohhrana Osteen-a nupuiin thu tawi a sawi zawh hnuin, Joel Osteen chu thusawi turin a rawn ding chhuak a, thu a sawi ṭan deuh chiah tihin, mi panga, a mal mala rawn rawn ding chhuakin, "Joel Osteen, dawt sawi hmang i nih kha," tiin an lo au zel a, Osteen hian nui sang chunga anmahni en chungin thu a sawi zawm a ni. A hnuah midang pakhatin chutiang bawk chuan Osteen hi a rawn au leh a, biak in pawnah hruai chhuah an ni ta a ni.

Lakewood Kohhran thu­puang­tuin a hnua a sawi danin, heng mi parukte hi The Church of Wells mi an ni a, zirtirna danglam deuh hlek zirtir ṭhin an ni.