She-Hulk tur Tatiana Maslany

Disney+ Marvel series thar tur She-Hulk-a achangtunu ber tur chu Tatiana Maslany a ni dawn tih a chiang tawh a, Hulk actor Mark Ruffalo leh She-Hulk director Kat Coiro-te chuan nimin khan hemi chungchang hi social media-ah an tarlang chiang tawh a ni.

Netflix lamah pawh en tur awm Sci-fi thriller Orphan Black aṭanga hriat hlawh Maslany hian Marvel comic lama kan lo hmuh fo tawh ṭhin, milian hring lem hi a rawn chang dawn a ni a, he series-ah hian Ruffalo pawh a inlan mai thei nia sawi thawm a awm a, hei erawh finfiahna a la awm lo thung.

She-Hulk lemah Tatiana Maslany a chang dawn tih hi Deadline chuan an tarlang hmasa ber a, an tarlan hnu darkar khat velah Coiro hian a rawn nem nghet ve lehnghal a, phurawm a tih thu a tarlang tel bawk.

She-Hulk tur Tatiana Maslany

Tatiana Maslany hi lemchan khawvelah a mikhual lo a, 2012 miniseries World Without End,  2015 biopic film Woman in Gold leh 2016 romantic drama The Other Half-ahte pawh thiam takin a lo chang tawh a, Jennifer Walters/She-Hulk lemah pawh hian a chang hnehsawh leh hlein a rinawm.