Planet lian tak arsi thi tawh hel hmu chhuak

Van lam chanchin zir mite chuan Nilaini khan an zirchianna an tlangzarh pakhatah planet lian tak, Jupiter tiat zetin arsi thi tawh a hel kual tih an hmu chhuak tih an tarlang a, exoplant-in hetiang a helkual an vawi khat hriatna a nih thu an tarlang bawk.

Zir mite chuan planet lian tak an hmuh chhuah thar chu 'WD 1586 b' tiin a hming an phuah a, an thil hmuh chhuah thar chu kan solar system pawhin a la hmabak a nih theih thu an sawi. Kum tluk­lehdingawn 5 a ral leh hunah chuan kan ni (sun) hi white dwarf-a a achan tawh an ring a, chutiang hunah chuan kan solar system-a planet-te hian tuna  'WD 1586 b' thil tawn ang hi an la tawng ve theiah an ngai.

University of Wis­consin-Madison assistant professor Andrew Vanderburg, Nilainia research an publish zirchianna kaihruaitu chuan an thil hmuh chhuah chuan a ṭhawng hle tih a sawi hial a, hetiang hi an la hmuh ngai loh vang a ni.

Planet lian tak hi a arsi thi a hel kual, a parent star ai hian a let 10 laiin a lian zawk a, ni 1.4 danah white dwarf hi a hel a ni tih  NASA Transiting Exoplanet Survey Satellite (TESS) hmangin an hmu chhuak.

Tuna an white dwarf hmuh chhuah hi 'WD 1856+534' tiin a hming an phuah thung a, khawvel aṭanga light year 82-a hlaa awm niin an thil hmuh chhuah thar hi van lam chanchin zirchianna kawngah a la ṭangkai hle dawn niin mithiamte chuan an ngai a ni.