The Sims in kum 25 a tling

Video games series lar, 'The Sims' chuan kum 25 a tling ta. A instalment hnuhnung ber, 'The Sims 4' chu ṭawng 18-a siam niin, khawvel pumah mi mtd 85 chuangin an khel a ni.

'The Sims' hi Maxis siam niin Electronic Arts publish a ni thung. Copy mtd 200 vel hralh ni tawhin, khawvela video games series hralh tam ber zingah a tel. Guiness World Records-ah pawh a lo lang tawh a ni. Kum 1989-a tih chhuah, SimCity hnuaia Sim series hnuaia mi a ni. Game designer hi Will Wrigth a ni a, a idea hi 1977 architecture leh urban design book, 'A Pattern Language' tih aṭanga a lak a ni. 'The Sims' behchhan hian live-action film siam tum a nih thu 2007 khan puan a ni a, mahse tun thlengin an la ti chhuak lo.