Beyoncé-i'n 'Cowboy Carter' tour hun tur puang

Beyoncé chuan Grammy Awards sem zawh taka 'Album of the Year' award a dawnna, 'Cowboy Carter' album tour neih hun tur a ti chiang ta. Tour hi April 28-ah Los Angeles-a SoFi Stadium-ah a ṭan dawn a, July 11 ah Atlanta, Mercedes Benz Stadium-ah khar a tum.

Album tour a neih chhung hian show ṭum 22 neih hman a tum a, a tour neih ṭanna Sofi Stadium-ah hian show vawi li neiin, London-a Tottenham Hotspur stadium leh East Rutherford MetLife Stadium-ah pawh zan li chhung show neih a tum bawk. Paris, Chicago, Houston, D.C. leh Atlanta-ah show vawi hnih ṭheuh a nei bawk ang. 'Cowboy Carter' hian 2025 Grammy Awards-ah khan nomination 11 hmuin, hmeichhe artist album zingah nomination hmu hnem ber record a siam a ni. A tour aṭang hian USD mtd 300 hlawkna a tel phak beisei a ni.