TBC Zaithanpuia Fak hla chauh a sak hnuah a chân hnem

Kumin kumtir khan TBC Zaithanpuia chuan Pathian khawngaihna a dawn leh a chante a ngaihtuahin, Pathian tana a tih ve theih chhun, Pathianin talent a neihte amah fakna chauha hman tumin thu a tiam a, a thutiam avang hian sum tam tak a chân.

Pathianin engmah lo aṭangin malsawmna a pek a, hlawhtlinna a khumtir hnuah TBC Zaithanpuia chuan Pathian fakna hla chauh a sak tawh tur thu a puang a ni. Hemi hnu hian sawmna tam tak a dawng a, sum leh pai tam tak a dawn theihna turte a hnarin a ch‚n a ni.

TBCA chuan, "A bikin fam ngaih hla sa tura sawmna ka dawng hnem hle. An hla phuahte sa turin min sawm ṭhin a, a ṭhenah chuan Rs. 50,000 hlawh tur te, chu aia tlem deuh hlawh turtein sawmna kan dawng hnem hle. Chhungkaw khawsak lam te, mahni sum leh paite han en ch‚ng hi chuan a awhawm ṭhin hle. Amaherawhchu Pathian hmaah ka k‚ ka lo ‚ng tawh a, ka hnar ṭhin a ni," a ti.

"Mi ṭhenkhat chuan an hrethiam lo lek lek ṭhinin ka hria a, a lehlamah chuan ‚wm pawh a ‚wm viau a ni. Hetiang fam ngaih hla, Pathian fakna emaw lam kai lo hi a sualin a ṭha ta lo hle e ka tihna chu a ni miah lo. Pathian khawngaihna nasa tak ka dawng a, a tana ka tih ve theih tawk chu amah fakna chauh sak hi niin ka hria a ni," a ti. Ṭhenkhatin an hrethiam lo lek lek ṭhin chu ‚wm a tihpui rualin, Pathian tana mi tin kan inpek dan leh, Pathianin mi tina hna a thawh dan a inang vek lo a, chuvang chuan amah hrethiam turin a duh a ni.

"Khawvel thilah chuan sum leh pai tam tak ka ch‚n vein ka inhria a, Pathian lamah erawh chuan thlarau nunah leh kawng hrang hrangah hlawkna ka chhar belh zel a ni," a ti.

"A hma kha chuan, rawngbawlna tur leh Pathian hla buaipui tur kan inchhawp hle pawhin, sum hmuhna tur ṭha tak, fam ngaih hla emaw, lenglawng emaw sak ngai a awmten, ka rawngbawlna tur lam aia ngaih pawimawh a awl khawp mai. Chu chuan Pathian thu tak tak aia sum lam ˚mna a hring a ni. Kan rawngbawlna tur ai maha sum hmuhna tur dah len kha a awl a ni," a ti.

"Sum leh paiah kher lo pawh inthlahrunna tam tak ka tawng fo. Kan hnathawhna lamah te, YMA leh tlawmngai pawl dang thil tihnaah te lenglawng lam ka sak theih tawh loh avangin a chang chuan ka inthlahrung a, an hrethiam lo mai ang tih hlauhna te ka nei ṭhin," a ti a, mahse Pathian tan a intiam tawh a, a sawi tawh anga tihhlawhtlin tlat a tum a ni. Fakna hla chauh sa tura a intiam hnu hian thil danga sawmna kum dang zawng aiin a hmu hnem tih TBCA hian sawiin, a ch‚ng chuan a awhawm ṭhin hle a ti.