Priyanka-i'n vun rawng inthliarna a duh lo

The Quantico-a hlawhtling taka chang, tuna Baywatch film an siam nawn leha chang leh tur Priyanka Chopra chuan film chan chung≠changa vun rawnga inthliarna awm a duh loh a thu a sawi.

Flare chanchinbuin an kawmnaah, "Film chan hna hi a thiam ber leh
ṭhain chan tur a ni a, India mi emaw, midum emaw a nih leh nih loh lam a ni lo," a ti. Sam buang leh mit meng pawl nih vanga chantir kher tum a nih chuan ṭha lo a tih thu a sawi.

Hollywood film siamtute chu an lan dan aṭanga ngaihdan siam mai lo tur≠in a duh. Hollywood-a intluktlanna a awm theih nana Hufftington Post-ah Jennifer Aniston thuziak chu ṭha a tih thu sawiin, hmeichhia rau rau pawh intluk lo anga lang ṭhin chu a dem a ni.