Bihar CM-in PM a hmu dawn

Bihar Chief Minister Nitish Kumar chuan an state-in tuilian vanga harsatna a tawh mek chung≠changah Prime Minister Narendra Modi a hmu dawn. Bihar state-ah hian tuilian vangin mi nuai nga velin harsatna an tawk a, mi nuai hnih chuangin an in an chan tawh a ni.

Sone leh Ganga lui lian chuan ziaawm lam pan ṭan mah se, tui hian hlauhawm chhinchhiahna an la pel vek a, district 12 chuan tuilian hi an tuar mek a ni. Ni thum kalta chhung khan tuilian vanga chhiatna thlengah mi 19 in nunna an chan tawh a ni.

Sorkar laipui chuan Bihar leh Uttar Pradesh-a tuilian tuarte chhanchhuah hna thawk tur hian Thawhṭanni zan khan National Disaster Response Force (NDRF) team 10 a tir a, nimin zing khan team dang a tirh belh leh bawk. NDRF team hman tur hian lawng pek an nih bakah damdawi leh ei turte an keng tel bawk. NDRF team hian tuilian tuar mi 26,400 chuang chu hmun him lamah an thiar chhuak tawh.

Uttar Pradesh-ah pawh tuilian hian ziaawm lam a la pan lo a, Ganga leh Yamuna luite chuan hlauhawm chhinchhiahna an la pel a ni. Mi nuai hnih chuangin tuilian hi an tuar a, Allahabad leh Varanasi-ah chuan ni hnih chhung zirnain hrang hrangte khar a ni tawh a ni.