NASA-in Mars-a mihring tirh a tum

Thilnung awm ve theihna tura ngaih, Sikeisen, Mars-ah NASA chuan kum 2043-a mi­hring tirh theih a inbeisei thu a sawi. Hei bakah hian Mars thla (heltu), Phobos-ah tirh a tum bawk.

NASA chuan Mars-a mihring tir tur hian a hranpaa budget siam a ngai dawn lo niin a sawi a, tuna budget awm sa leh ruahman sa hmanga tirh mai theih niin a ngai. Kum 2043-a mihring a tirh hma, kum 2033 khian Mars heltu thla, Phobos-ah mihring tirh a tum tih a sawi tel. Kum 2039 khian Mars hi mihringin hel kualtir a tum bawk.

Mars-a mihring tirh tur rua­hmanna hi NASA hmun pakhat, California-a Pasadena hmuna Jet Propulsion Laboratory aṭanga duan a ni. Mihrring tirh nghal chu thil harsa tak a ni dawn a, khawvel aṭanga Mars thlawh thlen theih hun chhung hi thla kaw chhung zet a ni dawn. He planet-a mihring ṭum luhtir hma hian kum 2039-ah mi­hring chuanna hmanga hel kualtir phawt a ni ang a, kum 2043-ah mihring chu ṭumtir theih chauh a beisei.

Mars thleng tur hian tuna vankhawhthei (spacecraft) kan neih chak ber hmangin, thla kaw chhung a ngai ang a, thla kaw dang chu lei lam a pan lehna tur a ni. Kum khat leh a chanve zin kawngah hman a ngai dawn a, a hautak viau dawn a, mihring tan pawh a risk a sang dawn hle.

Mars hi boruak leh hîpna reng reng awm lohna hmun a nih bakah, atmosphere awm miah lohna a ni a, radiation do let dan tur leh mihring taksaa a lut tur ven dan tur ngaihtuah nan kum tak a ngai a ni.

University of Porto-a theo­retical physicist, Dr Orfeu Berto­lami leh a thawhpuite chuan vankhawhthei chak zawk siam theih dan tur awmin an hria a, mahse hei hi a taka chantir tur chuan hun a la duh rei khawp ang. Scientist ṭhenkhat chuan nuclear chakna hmangin chak zawka siam theih an ring bawk.