Redmi Note man a tlahniam

Xiaomi chuan a kutchhuak, Redmi Note 4G man a tlahniam tih a puang chhuak a, hemi rual hian product thar erawh an nei dawn rih lo tih an sawi tel bawk.

Redmi Note 4G man hi Rs. 2,000 ngawta tihhniam a ni a, Mi.com-ah a man tlawm hian a awm tawh a, India-ah chuan MI thawhpui, Flipkart, Amazon, Snapdeal, The Mobile Stores leh Airtel Stores-ah te a tlawm hian zawrh chhuah a ni.

Redmi Note 4G hi nikum December thla aṭang khan zawrh chhuah ṭan a ni a, he smartphone hi Xiaomi-in India-a 4G device a zawrh chhuah hmasak ber a ni. A hmai hi inchi 5.5-a hlai a ni a, processor-ah 1.6GHz Qualcomm Snapdragon 400 MSM8928 a hmang. Internal storage hi 8GB zeta lian a ni a, a battery hi 3100mAh a ni.