SMS sawi chhuaktu a thi

SMS siam chhuah nana sulsutu tih loh theih loh, a siam theih a, a hman theih a ni tih ngaihtuah chhuaktu, Finnish mi, Matti Makkonnen chu kum 63 mi niin Finland-ah a thi.

Kum 1984-a Te­le­coms conference-ah Matti Makkonen hian Short Messaging Service a siam theih a ni tih a sawi chhuak daih tawh a, chumi hnu fe, kum 1992, December 3 khan SMS hmasa ber thawn chhuah chauh a ni.

SMS hmuchhuaktu ber anga sawi ni ṭhin mah se, amah Matti erawh chuan ama kutchhuak liau liau anga sawi a duh ngai lo a, thawhhona leh ngaihtuahna thawh khawm aṭanga rawn chhuak angin a sawi char char ṭhin.