Tyga-a'n in luah thuah thubuai a nei leh tawh

Malibu-a a in luahna neitu nen an inrem a, sum tam tak a pek hnuah Tyga chuan in luah thuah bawk buaina a hmachhawn leh mek.

Kylie Jenner bialpa Tyga hi Los Angeles-a a in luahna neitu chuan a in a luahsak dim lo taka a khawih vel avanga a tihchhiat man chawi turin a phut. Tyga hian Egypt Last Kings Clothing atan Los Angeles-a F&S Investment Properties in a luah ṭhin a, pawr taka a kalsan mai avangin an lungawi lo a ni.

F&S Investment Properties hian an in a luah a, kum 2015 June thla khan anmahni pawh hriattir loin a chhuahsan ringawt niin an sawi. A chhuahsan hnua a luah hnu an va tlawh chuan enkawl loh tih a hriat a, engkim mai chu siam-
ṭhat ngaiin a hnutchhiah a, chu bakah bill pek loh a lo awm ṭeuh bawk. Chu aia la hautak chu environment tana pawi tur hn‚wm a kalsan ṭeuh a, hetiang tifai tur hi chuan a bik taka zir mi an ngai a, chutiang mi chu an rawih a ngaih phah an ti.

Hetianga a in luah pawr taka a kalsan avang hian USD 186,275.89 zet chawi turin an phut a ni. A hmain Tyga hian Malibu-a a in luahna neitu hnenah USD 480,000 zet a lo chawi tawh bawk.