Parema album zaninah

R. Lalremruata, Parema tia kan hriat lar chuan a hla phuah, zaithiam hrang hrang a saktira album-a a siam chu zanin dar 7:30 hian Vanapa Hall-ah Pathian hnenah hl‚nin tlangzarh a ni dawn ta. Hemi rual hian a lehkhabu pawh tihchhuah a ni bawk ang. He hunah hian luh man a awm lo ang a, a duh apiang tan tel theih a ni.

Parema album palina hi 'Ka vui lo Lalpa' tih album a ni a, Pathian hnena hlanna hun hmanah hian Upa C. Ngurthantluanga'n thuchah a sawi ang a, tunlaia fakna hla satu kan neih ṭhat leh larte an zai ang. He hunah hian a duh apiang tel theih a ni. Album tlangzarh rual hian Parema lehkhabu, a hla phuah a dah khawmna, 'Lalpa min pek hlate' tih chu tlangzarh nghal a ni ang.

Album tlangzarh leh hlannaah hian Nunui, Bethsy, Jennifer Ren≠thlei, Hlimhlimi, Maggie, Pensy, Mawitei Ralte, Freddy, Henry Varte, Dr. Zoa,TBC Zaithanpuia, Andrew, One in Christ, Ramthar Veng Pastor Bial Zaipawl leh Eglaim Band (Guest Artiste) te an zai ang. Heng zaithiamte hian Parema hla phuah, tuna album-a mi leh a hmaa album a lo tihchhuah tawha mite an sa ang a, music hi live tur a ni.

Tarlan tawh ṭhin angin Parema album-ah hian Sap hla leh Vai hlate pawh a awm dawn a, Vai hla hi Vanlalsailova, Nunui leh Pensy-i ten an sa a ni. Tlangzarhna huna album leh lehkhabu hralhna aṭanga hlawkna awm zawng zawngte hi chanhaite pual tur a ni ang.

'Ka vui lo Lalpa' album-ah hian Nunui, Bethsy, One in Christ, Mawitei Ralte, TBC Zaithanpuia, Fiona Pachuau, Rinzuali Ralte, The Chosen, Pensy, Sailova leh Nunui (Lalremsiami) te an zai. Rinzuali Ralte leh The Chosen te hian Sap hla an sa a, Mizo hla hi paruk a awm.