FireAid Benefit Concert-in USD mtd 100 chuang hmu chhuak

Los Angeles ram kang tuarte tana venbur khawn a, January 20, 2025-a FireAid Benefit concert neih aṭang khan USD mtd 100 hmuh chhuah a ni tawh a, an la hmuh belh beisei a ni bawk.

Concert hi Los Angeles-a hmun pahnih, Intuit Dome leh Kia Forum-a neih niin platform hrang hrang 28-ah live-a pek chhuah a ni. Concert thlirtu hi mi mtd 50 chuang niin artist 30 chuang an inlan bawk. Concert neihna hmunah ticket hralh chhuah a ni bawk a, hei bakah sponsorship, merchandise sales leh mipui vantlang aṭangin donation an dawng bawk a ni. An pawisa hmuhchhuah hi Los Angeles huamchhunga kangmei tuarte chhawmdawlna tan an hlan dawn a, tun thla laihawlah ṭanpuina sum thawh khatna hi hlan an tum. Kangmei chhuak vang hian mi 29 an thi a, chenna in sang tel a tih chhiat bakah ram acre 57,000 a kang chhe bawk a ni.