Head In The Clouds 2025-ah G-Dragon leh 2NE1 inlan dawn

88rising buatsaih Head In The Clouds Music & Arts Festival chuan 2025 festival, Los Angeles-a neih tura inlan turte a puang ṭan ta. Perform tur zingah hian K-pop icon G-Dragon bakah girl group thawm nei lian tak 2NE1 an tel.

Ni hnih awh tur festival hi May 31 leh June 1 hian The Rose Bowl, Brookside ah neih a ni ang. Kuminah hian khawvel hmun hrang hrang aṭangin artist an tel chikim dawn hle a, Korean zaithiamte talent pholanna hun a ni nghal dawn a ni. G-Dragon leh 2NEI te bakah Dean, DPR IAN, DPR ARTIC & DPR CREAM te pawh an perform dawn a, rising star Miso, rapper Tabber leh hla phuah thiam Youha leh midangte an in lan dawn bawk a ni. Heads in the Clouds Festival hi kum 2018 aṭang khan neih ṭan niin kumtin buatsaih a ni.