Kanye West-a'n USD mtd 20 a chan

Grammy Awards 2025 neih zawh taka Kanye West leh a nupui, Bianca Censori-te 'Red Carpet'-a an in lan dan maksak tak vangin West hian Japan khawpui Tokyo-a USD mtd 20 hu concert neihna tura inremna a chan phah.

Red Carpet-ah hian West-a nupui, Censori chuan kawrdum fual hak chhunga thawmhnaw pan tak, taksa zawng zawng langtlang thei "invisible dress" hain sawi zui an hlawh hle. He thil thleng hian West-a'n Tokyo-a concert a neih tur a investor-te ti lungawi loin a show neihna tur atana funding zawng zawng chu an hnuk kir ta a ni.

An inlan dan maksak tak avanga social media hrang hrangah sawiselna nasa tak an tawh mek lai hian West chuan, "Khawvel huapa Google-a mimal zawn nasat ber chu ka nupui a ni" a ti a, "Grammy chu kan awp hneh hle" tiin a la sawi zui bawk.