Rick Warren-a'n Phelps a ngaihsak

Kumin Olympic-ah a che ropui leh hle a, hetianga hlawhtlinna a chan hrang hrangah Rev. Rick Warren chuan Michael Phelps hi a chhuang a, chutihrualin a tih zelna turah a duhsak a, amah kaltlangin Pathian≠in thil tih tum lian tak a nei tih Rick Warren chuan a sawi.

Saddleback Church pastor, Purpose Driven Life lehkhabu ziaktu Rick Warren hian US tui hleuh chak Michael Phelps chu Olympic lai khan ni tin a tan a ṭawngṭai
ṭhin tih a sawi a, a nakin hun atan Pathianin ruahmanna ropui tak a nei a ni a ti bawk.

Olympic-a ropuina hrang hrang a chan hnuah Michael Phelps hian kawng dik lo a zawh ve hle. Ruihtheih thil chi hrang hrang leh nawmchenna lama a kal avangin sumdawnna lama a thawhpui company chuan an thawhdunna an titawp a, chu bakah chuan USA Swimming thuneitute chuan thla thum chhung ngawt intihsiaknaa tel thei loin an hrem bawk a ni. Heng a harsatna aṭanga tal chhuak tur hian Michael Phelps pawh a
ṭang hle. Rick Warren-a lehkhabu ziah, hralh kal zet mai, The Purpose Driven Life kha a hmu a, a chhiar a, chuta ṭang chuan nun thar a rawn nei ta a ni.

Michael Phelps hian ESPN a hrilh danin, a tlakchhiat a, ruih≠theih thil lama nasa taka a tlan lai hian NFL star, Ray Lewis chuan rehab-a lut turin a r‚wn a, Phoenix bula rehab-ah a lut ta a ni. Heta a luh hnu hian Lewis hian The Purpose Driven Life lehkhabu hi a pe a, chu lehkhabu aṭang chuan a inhmuchhuak tih a sawi. "He lehkhabu hian nasa takin ka nun a khawih a, keimah aia ropui leh thiltithei zawk a awm a ni tih ka rin phah a, he khawvelah chhan leh tum neia awm ka ni tih ka hria a ni," a ti.